ඇයගේ එකම අභිප්‍රාය වී ඇත්තේ එයයි.. අඟහරු ගමනට සැරසෙන යෞවනියක් ගැන ඇසෙන කතාවක් මෙන්න..

ලග්න පලාපළ January 12, 2026

තවමත් තරුණ වයසේ පසුවන සුරූපිනියක් වුණු ඇයගේ අරමුණ හරිම වෙනස්. ඇයට ඒ අරමුණ යන්නට පුළුවන් වේවිද..?

මේ කියන්න යන්නේ අන්න ඒ ගැන ඇසෙන විශේෂ කතාවක්.

2001 මාර්තු 1 වන දින උපත ලැබූ ඇලිසා කාර්සන් (Alyssa Carson), කුඩා කළ සිටම අඟහරු ලෝකය (Mars) පිළිබඳව දැඩි උනන්දුවක් සහ ඇල්මක් දැක්වූ සුවිශේෂී තරුණියක්. ඇයගේ එකම අභිප්‍රාය වී ඇත්තේ අඟහරු මත පය තබන පළමු මිනිසා බවට පත්වීමයි.

ඇලිසා ඇගේ සිහිනය කරා යාමට අවශ්‍ය පදනම ඉතා ශක්තිමත්ව ගොඩනගා ගනිමින් සිටිනවා. ඒ සඳහා ඇය දැනට පහත විෂය පථයන් ඔස්සේ උසස් අධ්‍යාපනය හදාරන බවයි වාර්තා වෙන්නේ. ගුවන් තරණ විද්‍යාව (Aeronautics), රොබෝ විද්‍යාව (Robotics), අභ්‍යවකාශ විද්‍යාව (Astronautics) ඒ යටතේ ඇය අධ්‍යයනය කරනවා. පෘථිවියේ සිට අඟහරු වෙත යන ගමන සුවපහසු එකක් නොවන අතර එය අතිශය දුෂ්කර අත්දැකීමක්.

මේ ගමනට,
කාලය - අඟහරු වෙත ළඟා වීමට මාස 6 සිට 9 දක්වා කාලයක් ගත වේ.

පරිසරය - අඟහරු ලෝකය අතිශයින්ම ශීතල වන අතර එහි ජීවත්වීමට අවශ්‍ය තරම් ඔක්සිජන් නොමැත.

ගුරුත්වාකර්ෂණය - එහි ගුරුත්වාකර්ෂණ බලය පෘථිවියට වඩා බෙහෙවින් අඩුය.

නැවත නොපැමිණීමේ අවදානම - මෙය බොහෝ විට "එක් පැත්තකට පමණක් යන ගමනක්" (One-way trip) වීමට ඉඩ ඇති බව ඇය මනාව වටහාගෙන සිටියි.

ඇය මෙතරම් අවදානමක් ගන්නේ ඇයි? ඇයගේ ප්‍රධාන අරමුණ වන්නේ මිනිසාට අඟහරු මත සැබවින්ම ජීවත් විය හැකි දැයි පරීක්ෂා කිරීමයි. එමඟින් අනාගත පරපුරට පෘථිවියෙන් බැහැරව නව ලොවක ජීවිතය ආරම්භ කිරීමට අවශ්‍ය මාවත සකස් කරදීම ඇයගේ බලාපොරොත්තුවයි.