ආදරය කියන්නේ ලෝකයේ තියෙන ලස්සනම හැඟීම වුණත්, ඒ ආදරය ඇතුළේ සැකය කියන බීජය පැලවුණොත් මුළු ජීවිතයම අපායක් වෙන්න වැඩි වෙලාවක් යන්නේ නැහැ. "එයා මාව රවට්ටනවාද? " කියන ප්රශ්නය හිතට වද දෙන කොට අපිට හරියට කෑමක් බීමක් ගන්න, නින්දක් ලබන්න පවා බැරි වෙනවා.
බොහෝ දෙනෙක් කරන්නේ සැකයක් ආපු ගමන් රණ්ඩු වෙන එක. හැබැයි රණ්ඩු නොවී, බොහොම බුද්ධිමත්ව සහ මනෝ විද්යාත්මකව මේ දේ ඇත්තක් ද කියලා තේරුම් ගන්න ක්රම තියෙනවා. අද අපි කතා කරමු, සහකරු හෝ සහකාරිය ඔබව රවට්ටනවා නම් ඔවුන්ගේ හැසිරීමෙන් පෙන්නුම් කරන ප්රධාන මනෝවිද්යාත්මක සලකුණු කිහිපයක් ගැන.
1. "ඩිජිටල්" හංගන සෙල්ලම (Digital Privacy Overload) කලින් ෆෝන් එක ඕනෑම තැනක දලා ගිය පුද්ගලයා, දැන් ෆෝන් එකත් එක්කමයි ජීවත් වෙන්නේ නම් ඒක පොඩි රතු එළියක්.
ෆෝන් එක නිතරම මුහුණත පහළට හරවා තැබීම: පණිවිඩයක් ආවොත් ඔබ දකියි කියන බය.
පාස්වර්ඩ් නිතර වෙනස් කිරීම: කලින් ඔබ දැනගෙන හිටපු රහස් අංක දැන් වැඩ කරන්නේ නැති වෙන්න පුළුවන්.
බාත්රූම් එකටත් ෆෝන් එක රැගෙන යාම: පෞද්ගලිකව ඇමතුම් ගැනීමට හෝ පණිවිඩ යැවීමට ඇති උත්සාහය. (මේක නම් 100% ක්ම හරි නෑ මොකද සමහර ය වීඩියෝ බලන්නත් අරන් යනවා)
2. අනවශ්ය විදිහට ආරක්ෂාකාරී වීම (Defensiveness) ඔබ ඉතාම සාමාන්ය ප්රශ්නයක් ඇහුවත්, ඔවුන් එකපාරටම කේන්ති ගන්නවා නම් හෝ ඔබව වැරදිකාරයා කරන්න හදනවා නම්, එය මනෝ විද්යාත්මකව හඳුන්වන්නේ "Defensive behavior'' එකක් විදිහටයි.
උදාහරණයක්: "අද ඇයි එන්න පරක්කු වුණේ?" කියලා ඇහුවම, "ඔයාට දැන් මාව විශ්වාස නැද්ද? මම වැඩ කරන හැටි ඔයා දන්නේ නැද්ද?" වගේ ලොකු රණ්ඩුවක් ඇදලා ගන්නවා නම්, ඒ ඔවුන්ගේ හිතේ තියෙන වරදකාරී හැඟීම වසා ගැනීමට කරන උපක්රමයක් වෙන්න පුළුවන්.
3. ප්ර 1 හා 2රය එල්ල කිරීම (The Best Defense is an Offense) මේක හරිම පුදුම හිතෙන මනෝ විද්යාත්මක තත්ත්වයක්. ඔබව රවට්ටන පුද්ගලයා, කිසිම හේතුවක් නැතුව ඔබ වෙනත් අයෙක් එක්ක සම්බන්ධයක් තියෙනවා කියලා චෝදනා කරන්න පටන් ගන්නවා. තමන් කරන වරද අනෙකා මත පැටවීමෙන් ඔවුන් තාවකාලික මානසික නිදහසක් ලබනවා.
4. වෙනදා නැති අලුත් පුරුදු සහ වෙනස්කම් මිනිසෙකුගේ පෞරුෂය එකපාරටම විශාල ලෙස වෙනස් වෙන්නේ කලාතුරකින්. ඔබේ සහකරුගේ මේ වෙනස්කම් ගැන අවධානයෙන් ඉන්න:
පෙනුම ගැන ඕනෑවට වඩා සැලකිලිමත් වීම: වෙනදා නැති විදිහට ජිම් යන්න පටන් ගැනීම, අලුත් ඇඳුම් සහ සුවඳ විලවුන් වර්ග පාවිච්චිය.
කතාවේ වෙනස: ඔවුන් පාවිච්චි කරන වචන මාලාව, විහිළු තහළු පවා වෙනස් වෙන්න පුළුවන්. මේවා බොහෝ විට ඔවුන් ඇසුරු කරන අලුත් පුද්ගලයාගෙන් උකහාගත් දේවල් විය හැකියි.
සංගීත රුචිකත්වය: කලින් අකමැති වුණ සින්දු වර්ග වලට එකපාරටම කැමති වීම.
5. ලින් 1ගික සහ ආදරණීය බැඳීමේ වෙනස සම්බන්ධයක රහස් තියෙන කොට ඒක මුලින්ම බලපාන්නේ කායික සහ මානසික සමීපතාවයටයි.
අධික සමීප බව: සමහර අය තමන් කරන වරද වසා ගන්න වෙනදාට වඩා ආදරය පෙන්වන්න, තෑගි බෝග දෙන්න පටන් ගන්නවා (Guilt gifts).
සම්පුර්ණයෙන්ම ඈත් වීම: ලින් 1ගික එක්වීමට අකමැත්තක් දැක්වීම හෝ නිතරම මහන්සියි කියන හේතුව ඉදිරිපත් කිරීම.
6. කතාවේ පරස්පරතා (The Deviating Details) කෙනෙක් බොරුවක් කියනවා නම්, ඒක මතක තබා ගැනීම හරිම අමාරුයි. ඔබ දවස් කිහිපයකට පස්සේ එදා වෙච්ච දේවල් ගැන ආයෙත් ඇහුවොත්, ඔවුන් කියන විස්තර කලින් කිව්ව ඒවට වඩා වෙනස් වෙන්න පුළුවන්. විශේෂයෙන්ම බොරු කියන කෙනෙක් ප්රශ්නයකට පිළිතුරු දීමේදී ඕනෑවට වඩා විස්තර (Too many details) පවසනවා. ඒක ඔවුන්ගේ බොරුව තහවුරු කරන්න ගන්න උත්සාහයක්.
මේ කියපු කරුණු එකක් හෝ දෙකක් තිබුණු පලියටම ඔබේ සහකරු ඔබව රවට්ටනවා කියලා තීරණය කරන්න එපා. සමහරවිට ඔවුන් රැකියාවේ දැඩි පීඩනයක, පෞද්ගලික මානසික ගැටලුවක හෝ වෙනත් ප්රශ්නයක ඉන්නවා වෙන්නත් පුළුවන්.
ඔබ කළ යුත්තේ කුමක්ද?
සෘජුව කතා කරන්න: සැකය හිතේ තියාගෙන තැවෙන්නේ නැතුව, සාමකාමී වෙලාවක ඔබේ හිතට දැනෙන දේ විවෘතව කියන්න.
සාක්ෂි සොයන්න: හිතලු මත පදනම් නොවී, යම් ස්ථිර සාක්ෂියක් ලැබෙන තෙක් ඉවසීමෙන් නිරීක්ෂණය කරන්න.
ඔබේ ආත්මගරුත්වය රැකගන්න: මොන ප්රශ්නය ආවත් ඔබ ශක්තිමත් විය යුතුයි. තවත් කෙනෙක් නිසා ඔබේ වටිනාකම අඩු කරගන්න එපා.
ආදරය කියන්නේ එකිනෙකා විශ්වාස කරන, ගරු කරන තැනක පවතින දෙයක්. ඔබේ සහකරු ඔබව රවට්ටනවා නම්, ඒ කියන්නේ ඔවුන් ඔබ වැනි අවංක ආදරයකට සුදුසු නැති බවයි.
මේ ලිපිය ගැන ඔබේ අදහස මොකක් ද? ඔබත් මෙවැනි අත්දැකීම් වලට මුහුණ දීලා තියෙනවාද? කමෙන්ට් එකකින් අපිට කියන්න. තව කෙනෙකුට බලන්න ෂෙයාර් කරන්න.
✅✅✅✅✅✅✅✅✅✅✅
📢 Breaking News SMS Alerts
මොබිටෙල් පාවිච්චි කරන අයට විශ්වාසදායක පුවත් SMS සේවාව.
77000 ට SMS කරන්න