මහියංගණය, දඹාන කියන්නේ ස්වභාවධර්මයත් එක්ක ජීවත් වන මිනිස්සු ඉන්න තැනක්.
දඹාන, වතුයාය පදිංචි 32 හැවිරිදි එච්.එම්. ජයරත්න තවත් මිතුරෙකු සමඟ මාදුරුඔය රක්ෂිතයට වැදුණේ වෙනදා වගේම වනාන්තරයේ තියෙන "රත්තරන්" නැතිනම් මී පැණි ටිකක් සොයාගන්නා බලාපොරොත්තුවෙන්.
හිරු බැස යන හෝරාවත් සමඟ රක්ෂිතයේ නීලාගලගොඩ ප්රදේශයේ ඔවුන් දෙදෙනා සැරිසරමින් සිටියදී, හිටිහැටියේම මුළු වනාන්තරයම දෙවනත් කරමින් වෙඩි හඬක් ඇසුණා. මිතුරා බියෙන් තැතිගද්දී, තමන් අසල සිටි ජයරත්න ලේ විලක් මැද ඇද වැටෙනු ඔහුට දැකගත හැකි වුණා.
වෙඩි උණ්ඩ ජයරත්නගේ පිටුපස කොන්ද ප්රදේශයට සහ අතට බරපතල ලෙස හානි කර තිබුණා. ජනශුන්ය රක්ෂිතයක් මැද, වැදුණු වෙඩි පහරින් අඩපණ වූ ජයරත්න බේරාගැනීම ලේසි පහසු වුණේ නැහැ. පණිවිඩය ගමට ලැබුණු සැනින් ක්රියාත්මක වූ ගම්වාසීන් පිරිසක්, රාත්රියේම මාරාන්තික අනතුරු පවා නොතකා වනයට ඇතුළු වුණා. ඔවුන් ඉතා අපහසුවෙන් තුවාලකරු කරපිටින් ගම්මානය වෙත රැගෙන ආවේ මනුෂ්යත්වයේ නාමයෙන්.
අනතුරුව 1990 සුවසැරිය ගිලන් රථයෙන් ඔහුව වහාම මහියංගණ මූලික රෝහලට ඇතුළත් කළා.
මේ වෙඩි ප්රහාරය එල්ල කළේ කවුද යන්න තවමත් ලොකු අභිරහසක්. අඳුර නිසාත්, ප්රහාරය ක්ෂණිකව එල්ල වූ නිසාත් ජයරත්න සමඟ සිටි අනෙක් පුද්ගලයාට වෙඩික්කරුව හඳුනා ගැනීමට හැකි වී නැහැ. මෙය දඩයක්කාරයෙකු විසින් සතෙකු යැයි රැවටී කළ වෙඩි තැබීමක්ද, නැතිනම් කිසියම් පෞද්ගලික ආරවුලක් මත සිදු කළ දෙයක්ද යන්න තවමත් අනාවරණය වී නැහැ.
අහිංසක ගැමියෙකුගේ ජීවිතය රෝහල් ඇඳක් මත මරණයත් සමඟ සටන් වදින අතරතුර, පොලිසිය දැන් මේ අභිරහස් වෙඩික්කරු සොයා පරීක්ෂණ පවත්වනවා.
✅✅✅✅✅✅✅✅✅✅✅
📢 Breaking News SMS Alerts
මොබිටෙල් පාවිච්චි කරන අයට විශ්වාසදායක පුවත් SMS සේවාව.
👉 REG හිස් තැනක් USDRS සදහන් කර
77000 ට SMS කරන්න
77000 ට SMS කරන්න