අධ්යාපන, උසස් අධ්යාපන හා වෘත්තීය අධ්යාපන අමාත්ය, අග්රාමාත්ය ආචාර්ය හරිනි අමරසූරිය විසින් අධ්යාපන ප්රතිසංස්කරණ සිදු කිරීමේදී පාසල්වල ඩිජිටල් යටිතල පහසුකම් දියුණු කිරීම ඉලක්කගත සාධකයක් වන බව ප්රකාශ කරයි.
ඒ අනුව ඇය සඳහන් කළේ ඩිජිටල් අසමානතාවක් පවතින පාසල් හඳුනාගෙන ඒවා ඩිජිටල්කරණයට ලක් කොට සෑම සිසුවෙකුටම සමාන අධ්යාපන පහසුකම් භුක්ති විඳීමට ඉඩ සලසා දිය යුතු බවයි.
එමෙන්ම තාක්ෂණය අධ්යාපනයට එක් කිරීමේදී ළමා ආරක්ෂණය සුරැකෙන සේ ළමා මනසට ගැළපෙන ආකාරයෙන් යම්කිසි රාමුවක් තුළ එම ක්රමවේදයන් සැකසිය යුතු බවත් අග්රාමාත්යවරිය පවසයි.
ඇය මේ බව කියා සිටියේ ඊයේ (14) දින ඉසුරුපාය අධ්යාපන අමාත්යාංශ පරිශ්රයේදී පැවති, චීන ප්රදාන යටතේ ක්රියාත්මක වන අධ්යාපන ඩිජිටල්කරණ වැඩසටහන නිල වශයෙන් ආරම්භ කරමින්.
අඳාළ වැඩසටහන ආරම්භ කිරීමේ ගිවිසුම අත්සන් කිරීම, අධ්යාපන, උසස් අධ්යාපන සහ වෘත්තීය අධ්යාපන අමාත්යාංශ ලේකම් නාලක කලුවැව මහතා සහ චීන තානාපති H.E. Qi Zhenhong මහතා විසින් සිදු විය.
ඒ අනුව මෙම ව්යාපෘතියේ අරමුණ වූයේ පන්ති කාමර තුළ තාක්ෂණික උපකරණ සවිකිරීම අභිබවා ගිය, ළමයාව මනා ලෙස මාර්ගගත සුරක්ෂිතතාවකින් ආරක්ෂා වූ තාක්ෂණික අධ්යාපන රටාවකට යොමු කිරීමයි.
එසේම මෙම ව්යාපෘතිය මඟින් ඩිජිටල් අධ්යාපන යටිතල පහසුකම් සඳහා වන ක්ලවුඩ් (Cloud) දත්ත මධ්යස්ථානයක්, දුරස්ථ ඉගෙනුම් ක්රමවේදයක් සහ කෘත්රිම බුද්ධිය ඔස්සේ මෙහෙයවිය හැකි විශේෂාංග සහිත ස්මාර්ට් පන්ති කාමර 900කට ආසන්න ප්රමාණයක් පිහිටුවීමට ද සැලසුම් කර තිබෙනවා.
මේ අතර මෙම අවස්ථාවට අධ්යාපන සහ උසස් අධ්යාපන නියෝජ්ය අමාත්ය වෛද්ය මධුර සෙනෙවිරත්න, ඩිජිටල් ආර්ථික නියෝජ්ය අමාත්ය ඉංජිනේරු එරංග වීරරත්න, චීන තානාපති කාර්යාලයේ සහ සමාගම් කිහිපයක නිලධාරීන්, ඩිජිටල් ආර්ථික අමාත්යාංශයේ සහ අධ්යාපන අමාත්යාංශයේ උසස් නිලධාරීන් රාශියක් එක් විය.
✅✅✅✅✅✅✅✅✅✅
📢 Breaking News SMS Alerts
මොබිටෙල් පාවිච්චි කරන අයට විශ්වාසදායක පුවත් SMS සේවාව.
77000 ට SMS කරන්න